უძრავი ქონება არის კაპიტალი, რომელსაც დიდი მოგება მოაქვს. უძრავი ქონების ინვესტიცია არის ძალიან მომგებიანი, რადგან ბაზარზე მისი ფასი მუდმივად მზარდია. რაც გულისხმობს, რომ თუ თქვენ ყიდულობთ უძრავ ქონებას, შემდეგ რამდენიმე წელსა თუ თვეში მას უფრო დიდ ფასად გაყიდით. სარგებლის მიღება შესაძლებელია როგორც მოკლევადიანი გაყიდვით, ისე დიდი ღირებულების ქონებაში რეინვესტირებით, ასევე გრძელვადიანი ქირის საფუძველზე, რომელიც ერთ-ერთ ყველაზე მიმზიდველ მეთოდს წარმოადგენს.

უძრავი ქონების სწრაფად მზარდი ფასების ფონზე, ბევრი ინვესტორი სწორედ ამ ინდუსტრიისკენ მიმართავს. უძრავ ქონებაში ინვესტირებას შეუძლია, თაობები უზრუნველყოს ფინანსურად, ვინაიდან ეკონომიკის განვითარებასთან ერთად, უძრავ ქონებაზე მოთხოვნა იზრდება და ფასები მუდმივად მყარდება, კრიზისული პერიოდების მოკლევადიანი ეფექტი კი ყველაზე ნაკლებად აისახება მასზე.

უძრავი ქონების შეძენა შეიძლება იყოს კარგი ინვესტიცია რამდენიმე მიზეზით:

• გრძელვადიანი ღირებულების ზრდა - როგორც წესი უძრავი ქონების ფასი გრძელვადიანად იზრდება. სწორედ ამიტომ, საცხოვრებელი და კომერციული უძრავი ქონება იძლევა შესაძლებლობას, რომ ინვესტორის ქონება დროთა განმავლობაში გაიზარდოს;
• დაბალი რისკი შედარებით სხვა ინვესტიციებთან - უძრავი ქონება, როგორც აქტივი ჩვეულებრივ უფრო ნაკლებად მერყეობს ვიდრე ფასიანი ქაღალდები და სხვა ფინანსური აქტივები.
• სტაბილური შემოსავალი - თუ ქონებას ამუშავებთ (აქირავებთ) მას მოაქვს სტაბილური შემოსავალი;
• დატოვებული მემკვიდრეობა - უძრავი ქონება შეიძლება იყოს ღირებული აქტივი, რომელსაც თქვენს თაობას გადასცემთ;
• ინფალაციის წინააღმდეგ თავის დაცვა - უძრავი ქონება ხშირად მიიჩნევა ინფლაციის წინააღმდეგ დაცულ აქტივად. როდესაც ინფლაცია იზრდება, ქირა და უძრავი ქონების ფასები ხშირად იმატებს, რაც მას კომფორტულ ინვესტიციად აქცევს.

უძრავ ქონებაში ინვესტირება გთავაზობთ სტაბილურობას, კაპიტალის ზრდასა და მუდმივი შემოსავლის მიღების შესაძლებლობას. თუმცა უმჯობესია წინასწარ შეისწავლოთ ადგილობრივი ტენდეციები, ზუსტად გათვალოთ ყველა რისკი და საჭიროების შემთხვევაში კონსულტაცია გაიაროთ სპეციალისტთან.