მინიმალიზმი არის არა მხოლოდ დიზაინის მიმდინარეობა, არამედ ცხოვრების სტილია და ის წლებია არ კარგავს აქტუალობას. მინიმალიზმის განმარტება კი ასეთია - "ნაკლები მეტია", სადაც ყველა ნივთი მის დანიშნულებას ზუსტად ასრულებს.

მინიმალისტური ინტერიერის მთავარი პრინციპებია:

• სიმარტივე;
• სუფთა ხაზები;
• ნეიტრალური ფერები;
• ფუნქციური ავეჯი;

თეთრი, ნაცრისფერი და ბეჟი ტონები ქმნის მშვიდ და ჰარმონიულ გარემოს. დიდი ფანჯრები და ბუნებრივი განათება კი სივრცეს კიდევ უფრო ნათელს ხდის.

მინიმალისტურ ინტერიერში ყველა ნივთს თავისი ადგილი აქვს. თქვენ აქ ვერ ნახავთ ზედმეტ დეკორს ან უფუნქციო ნივთებს. სამაგიეროდ, თითოეული ნივთი  (იქნება ეს ავეჯი, განათება თუ ტექსტილი) გააზრებულად არის შერჩეული და სივრცის საერთო კონცეფციას ემსახურება.

განსაკუთრებული ყურადღება ეთმობა სათავსოების განლაგებას. ჩაშენებული კარადები, მრავალფუნქციური ავეჯი და სათავსოები საშუალებას გვაძლევს, შევინახოთ ყოველდღიური ნივთები და შევინარჩუნოთ სივრცეში სისუფთავე.

მინიმალიზმის უპირატესობა ისიცაა, რომ ის არ საჭიროებს მუდმივ განახლებას მოდური ტენდენციების შესაბამისად. კლასიკური, დახვეწილი დიზაინი წლების განმავლობაში ინარჩუნებს აქტუალობას და არ არის მოსაბეზრებელი.

თანამედროვე მინიმალიზმი არ ნიშნავს უსიცოცხლო გარემოს. ბუნებრივი მასალების - ხის, ქვის, ბამბის ქსოვილების გამოყენება სივრცეს სითბოს და სიმყუდროვეს მატებს. მცენარეები კი სასიამოვნო აქცენტებს ქმნის და სიცოცხლით ავსებს ინტერიერს.

მინიმალისტური დიზაინი განსაკუთრებით აქტუალურია პატარა ზომის ბინებისთვის, სადაც სივრცის ოპტიმალური გამოყენება მნიშვნელოვანია. თუმცა, დიდ საცხოვრებელ სახლებშიც შთამბეჭდავად გამოიყურება და ქმნის მოწესრიგებულ, დაბალანსებულ გარემოს.

მინიმალიზმის არჩევა ნიშნავს არა მხოლოდ დიზაინის სტილის, არამედ უფრო მოწესრიგებული ცხოვრების წესს. ეს არის გზა, რომელიც გვეხმარება თავი დავაღწიოთ ზედმეტ ნივთებს და ვიცხოვროთ უფრო მშვიდად და ორგანიზებულად.